الفرق بين البي بي كريم و السي سي كريم ؟

جاتني كثير اسئلة في الانستقرام عن البي بي كريم و ال سي سي و حبيت اوضحلكم الفرق عشان تعرفوا تختاروا الي يناسبكم  ..

البي بي كريم : 

هو اختصار لكلمة Beauty Balm نجي لمميزات البي بي كريم.

- مرطب للبشرة

- يكون فيه واقي شمس 

- تغطيته اقوى شوي من السي سي كريم 

السي سي كريم : 

هو اختصار لكلمة Color Corrector يعني مصحح للون البشرة و مميزات السي سي كريم.

- فوائده للبشرة علاجية 

- يكون فيه واقي شمس

- تغطيته اخف من البيبي كريم  

- يغذي البشرة 

بس الفرق الوحيد ان السي سي كريم يصحح لون البشرة مثلا لو كان في احمرار يخفيه و يعطي اشراقة للبشرة !

نقدر نقول ان السي سي كريم النسخة المطورة من البي بي كريم و تغطيته اخف و متوفر بدرجات اكثر من البي بي كريم و الهدف منه تصحيح لون البشرة ❤️

** اختار البي بي كريم ولا سي سي كريم ؟ 

اذا حابة تغطيه خفيفة و مظهر طبيعي و لون موحد انصحك بالسي سي كريم اذا عندك اثار في بشرتك و هالات انصحك بالبي بي كريم لان تغطية اقوى شوي من السي سي كريم.

** هذي انواع البيبي كريم الي جربتها و رأيي فيها !  

بي بي كريم من سماش بكس .. 

فيه حماية من الشمس تغطيته شوي ثقيلة يعني تحسي انك حاطة شي في وجهك الماركة كانت موجودة في سيفورا بس سحبوها انا اشتريته من دبي بس للاسف ما افتكر سعره. 

بي بي كريم بودنس ..

كنت مره في السوبرماركت و رحت قسم العناية بالبشرة شفتهم منزلينه جديد اتحمست و جربته كان جميل و خفيف ما تحسي انك حاطة شي و يناسب الصبح اكثر او خرجات بسيطة الفينش طبيعي سعره ٣٠ ريال.

بي بي كريم غارنيه .. 

شفته في امازون و عجبني طلبته من تاجرة في الانستقرام ووفرتلي هوا حبيته مره يناسب البشرة الدهنيه لانه اويل فري و حبيته لانه متوفر بدرجات اكثر من الي عندنا و تغطيته كويسه سعره كان تقريبا ٥٠ او ٦٠ 

بي بي كريم كلارنس .. 

ثقيل تحسي انك حاطة شي في وجهك ينفع الي تعاني من حبوب و اثار متوفر في فيسيز سيفورا دبنهامز سعره تقريبا ١٥٠ ريال.

بي بي كريم غارنيه .. 

متوفر في كل السوبرماركت و الصيدليات خفيف مره يناسب الصباح اكثر و متوفر منه درجتين عكس الي طلبته من امازون سعره ٢٠ ريال.

بي بي كريم ديور ..

اكثر نوع حبيته تغطيته تجنن تعطيني لووك طبيعي انا عندي درجتين وحدة في لوني و الثانيه درجة التان مررره حبيتهم ما احس اني حاطة شي في وجهي و كل ما احطهم انسأل عنهم بس العيب الوحيد ان السعر مبالغ بالنسبة لحجمهم الصغير يمكن في حدود ٢٠٠ و شي. 

و بس ان شاء الله تكونوا استفدتوا من التدوينة ❤️❤️

منتجاتي المخلصة .. راح ارجع اشتريها او لا ؟ My Empties

اغلب المنتجات عن السكين كير : 

١- دراي شامبو من سيفورا : 

اتكلمت عن الدراي شامبو في الانستقرام ، بس حق سيفورا ما عجبني اعطيته كم فرصة بس ما قدرت لمن تبخيه يخلي شعرك جاف كأنك حطيني سبراي .. طبعا مراح ارجع اشتريه و افضل حق بوتس.

٢- مزيل الميك اب من بايوديرما : 

اجمممل مزيل ميك اب جربته خفيف و يزيل الميك اب بطريقة حلوة و راح ارجع اشتريه. 

٣- مزيل المناكير من سيفورا : 

عملي و مريح و يزيل المناكير بسرعه لاكن عيبه الوحيد لو استخدمتي لون غامق راح يمسك في الاسفنجة و يعدملك يدك و راح ارجع اشتريه 

٤- تونر من سيفورا : 

قوام التونر زي المويا خفيف مرا و ينظف كويس انا الي عندي الحجم الميني معرف اذا راح اشتريه او لا لانو عندي اشياء اخلصها و اقرر. 

٥- كريم مرطب من بوتس : 

اقدر اقول انه افشل كريم جربته في حياتي يلصق و ثقيل ما عجبني ابدا و طبعا مراح اشتريه. 

٦- بودرة الحواجب من ذي بودي شوب : 

هيا بودرة عشان تعبي فيها فراغات حواجبك و في منها درجات و الي عندي رقم ٣ اغمق درجه تجي لونين بني و اسود انا استخدم البني عشان حواجبي و الاسود ارسم على خط رموشي .. اول ما خلصت حقتي اشتريت ثانية بس ما استخدمتها لأني لقيت البديل قلم جفنشي رقم ١ جميل جميييل لو بخيتي عليه فكس بلس يصير ثابت و اسهل في الرسم و عملي و كل شي جميل فيه. 

٧- كونسيلر غارنيه : 

مره احب الكونسيلر ذا و استخدمه لكل وجهي خفيف و حلو راح ارجع اشتريه.

٨- غسول البشرة من غارنيه : 

بعد ما تستخدميه تحسي و وجهك فريش مره و نظيف مراح ارجع اشتري لان عندي بايوديرما و مناسب بشرتي اكثر و عندي اشياء ثانيه اخلصها و اقرر.

 

٩- برايمر بنفت : 

ما جربت برايمر يعطيني نفس نتيجته الحلوة و اول ما خلص اشتريت الثاني.

١٠- كريم مرطب لليد من جونسون : 

ترطيبه مو عميق بس الي عجبني فيه انو البشرة تمتصه بسرعة و دايما في شنطتي معرف اذا حرجع اشتريه او لا.  

١١- كريم التفتيح و التحكم بالمعان من جارنيه : 

انا انسانه اكره كريمات التفتيح بكل انواعها و اصلا مدري ليه اخذته !! لمن تستخدميه يخلي في طبقة بيضا على وجهك و مراح ارجع اشتريه.

Review : Mac fix+ ريفيو ماك فكس بلس

Preview Mac fix+

ريفيو عن ماك فكس بلس :

اتوفع هذا المنتج الي مافي بلوقر ولا يوتيوبر ما اتكلمت عنه و اغلبكم مرا حب المنتج ..  

** بس في ناس مفكرة انه مثبت و هذا غلط مو مثبت ابدا من اسمه فكس يعني يعدل الميك اب و الحين راح اشرحلكم استعمالات الفكس بلس يلا نبدأ 🌚 ..

وصف المنتج في موقع ماك : 

يحتوي على فيتامينات و معادن و شاي اخضر و جلسرين و كافين باختصار اشياء تفيد البشرة .

تجربتي معاه : 

عشقته عشق ما ينوصف 😭💘 استعمالته كثيييير 

١- قبل الميك اب يعطيك ترطيب و تحسي بشرتك فريش و مستعدة للميك اب.

٢- اذا عندك فاونديشن مات و تبي تخليه ديوي بخي على الفرشة.

٣- بخي على البيوتي بلندر يساعد على توزيع الكونسيلر و ما يخليه يخطط. 

٤- لتقويه لون الشادو و يساعد على ثبات القلتر بس طبعا مراح يثبت القلتر زي الغرا او البرايمر المخصص للثبيت . 

( السواتش من النت ) 

٥- لو حطيتي باودر و حسيتيها كثير رشي على وجهك و راح يتعدل شكل الباودر .

٦- لو انكسر شي من مكياجك بودرة او شادو تحطي و يرجع زي اول . 

٧- و اذا كنتي تستخدمي قلم حواجب و حسيتي لونه باهت بخي الفكس بلس و راح يقويلك اللون 

  

**سعره : تقريبا ٨٠ ريال 

**موجود في جميع فروع ماك